|
24
ރަބީޢުލްއައްވަލް 1431
10
މާރޗް
2010
ޝައިޚުލް އަޒުހަރު، އަލްއިމާމުލް
އަކުބަރު އަވަހާރަވެއްޖެ
ޝައިޚުލް އަޒުހަރު، ފަޟީލަތުލް
އިމާމުލް އަކުބަރު، ޑރ. މުޙައްމަދު
ސައްޔިދު ޠަންޠާވީ އަވަހާރަވެއްޖެ
އެވެ. ޝައިޚު އަވަހާރަވީ، ސުޢޫދީ
ޢަރަބިއްޔާގެ ވެރިރަށް ރިޔާޟަށް
ކުރެއްވި ދަތުރުފުޅެއް ނިމުމުގެ
ކުރިންނެވެ.
އައްޝަރުޤުލް އައުސަޠު ނޫސް
އޭޖެންސީން ޚަބަރުދޭ ގޮތުގައި،
ޝައިޚުލް އަޒުހަރު އަވަހާރަވީ މިއަދު
ހެނދުނުގެ ވަގުތެއްގައި، ސުޢޫދީ
ޢަރަބިއްޔާގެ ވެރިރަށް ރިޔާޟުގަ އެވެ.
ޝައިޚު އަވަހާރަވީ، ކުއްލިއަކަށް
ކުރިމަތިވި ހިތުގެ
އާލާސްކަންފުޅެއްގައި ކަމަށް ވެސް
އެފަރާތުން ބުނެފައި ވެ އެވެ.
ޝައިޚުލް އަޒުހަރު، ރިޔާޟަށް
ވަޑައިގެންނެވީ، އިއްޔެ ހަވީރު އެވެ.
ޝައިޚު، ރިޔާޟަށް ވަޑައިގެންނެވީ،
ކިންގް ފައިޞަލް އިންޓަރނޭޝަނަލް
އިނާމު ދިނުމުގެ އިޙުތިފާލުގައި
ބައިވެރިވެވަޑައިގަތުމަށެވެ.
ޑރ. މުޙައްމަދު ސައްޔިދު ޠަންޠާވީ،
ޝައިޚުލް އަޒުހަރުގެ މަޤާމު
ފުރުއްވަމުން ގެންދަވަނީ، 1996 ވަނަ
އަހަރުން ފެށިގެންނެވެ. ކުރިން
އެމަޤާމުގައި ހުންނެވީ، ފަޟީލަތުއް
ޝައިޚު ޖާދުލްޙައްޤު ޢަލީ
ޖާދުލްޙައްޤެވެ.
އަވަހާރަވިއިރު، ޝައިޚުގެ
ޢުމުރުފުޅަކީ، 81 އަހަރެވެ. ޝައިޚު،
ދުނިޔޭގެ އަލިކަން ދެކެވަޑައިގަތީ،
މިޞްރުގެ ޞަޢީދުގައި، 1928 ވަނަ
އަހަރު އެވެ.
މާތް ﷲ މަރުޙޫމުގެ ފުރާނަފުޅަށް
ސުވަރުގޭގެ ދާއިމީ ނިޢުމަތް
ލައްވާށިއެވެ! އާމީން!
މަޞްދަރު:
ބީބީސީ.
އައްރިޔާޟު ދުވަހު ނޫސް.
|
